Қызылордада сауда орталығының алдында жергілікті тұрғынды пышақтап кеткен
Полицейлер оқиғаның мән-жайын анықталуда
Қызылордада сауда орталығының алдында жергілікті тұрғынды пышақтап кетті. Күдікті оқиға орнынан қашып кетпек болған. Бірақ полицейлер оны ізін суытпай қолға түсірді, деп хабарлайды Azattyq Rýhy.
Қызылорда қалалық Полиция басқармасының 102 арнасына 14 мамыр күні облыс орталығында орналасқан сауда орталығының алдында белгісіз адам жергілікті тұрғынға пышақ жарақатын салғаны жөнінде хабарлама келіп түсті. Онда күдіктінің оқиға орнынан бой тасалап кеткені айтылған.
«Жедел басқару орталығының бейнебақылау камераларының көмегімен қала көшелерінің бірінде күдікті азаматтың басқаруындағы автокөлік тоқтатылды. Көліктен айғақ заттар алынды. Ол көлігінің мемлекеттік нөмірін алдын ала шешіп алған. Күдікті уақытша ұстау изоляторына қамауға алынды. Аталған дерек бойынша ҚР Қылмыстық кодексінің 106-бабының 1-бөлігімен сотқа дейінгі тергеп-тексеру әрекеттері жүргізіліп жатыр. Полицейлер оқиғаның мән-жайын анықталуда», - делінген Қызылорда қалалық полиция басқармасының хабарламасында.
