Көкшетауда эскалатор әйелдің аяғын қысып қалып, бес бақайынан айырылды

Көкшетауда сауда орталығында оқыс оқиға болды. Орталық базар ғимаратындағы әйелдің аяғы эскалаторға қысылып қалды. Бес бірдей бақайы жұлынып кетті, деп хабарлайды Azattyq Rýhy Sputnik Қазақстанға сілтеме жасап.

«Әйел эскалатормен түсіп бара жатып, құлап қалған. Аяғын эскалатор механизмі тартып алды. Бес башпайының травматикалық ампутациясы болды», - деп хабарлады Ақмола облыстық жедел жәрдем станциясының бас дәрігері Александр Высоцкий.

Жедел жәрдем 67 жастағы әйелді көпсалалы облыстық ауруханаға жеткізді.