Шекарада Ресейге 33 млн рубльді заңсыз алып өтпек болған тұрғын ұсталды
Аталған дерек туралы құзырлы органдарға хабарланды
Қостанай облысындағы «Қайрақ» автобақылау бекетінде 33 миллион рубльді (шамамен 404 858 доллар) шекарадан заңсыз алып өтпек болған қазақстандық азамат ұсталды, деп хабарлайды Azattyq Ruhy.
«Алау» порталының жазуынша, Қазақстан азаматы басқарған Toyota Land Cruiser 2002 маркалы автокөлігін тексеру кезінде ірі көлемде қолма-қол ақша табылған.
«ҚР Президентінің 2022 жылғы 14 наурыздағы «Қазақстан Республикасының қаржылық тұрақтылығын қамтамасыз ету жөніндегі шаралар туралы» Жарлығына сәйкес, Қазақстан Республикасынан шетел валютасын, алтын құймалары мен монеталарды әкетуге тыйым салынған. Қазақстан азаматының шетелге шығуына рұқсат етілген жоқ. Аталған дерек туралы құзырлы органдарға хабарланды», - деп хабарлайды ҚР ҰҚК Қостанай облысы бойынша ШҚ департаментінен.
