ШұғылCOVID-19: Бір тәулікте 720 адамнан коронавирус анықталды

Алматы тұрғыны белсенді Санавар Закирова тарапынан шабуыл жасалғанын айтты

Белсенді оның үйіне келіп, қызын соққыға жыққан

almaty.tv

Алматы тұрғыны Тамара Шакирова 8 наурыз күні қызына шабуыл жасалғанын айтып шағымданды. Зәбір көрсеткен адам – қоғам белсендісі Санавар Закирова дейді ол.

Айта кетейік, былтыр күзде «Nur Otan» партиясы мен оның төрт мүшесі (Тамара Шакирова, Разия Бахибекова, Ержан Медеуов, Дидар Аккулов) белсенділер Санавар Закирова, Альнур Ильяшев және Марат Тұрымбетовтің үстінен сотқа арыз түсіріп, жеңіп шыққан болатын. Сот белсенділердің әрбіріне 1,5 млн теңге көлемінде өтемақы төлеуге міндеттеді.

Тамара Шакированың айтуынша, 8 наурыз күні Санавар Закирова оның үйіне келіп, қызын соққыға жыққан. Басынан ауыр соққы алған келіншек ауруханадан бір-ақ шығыпты.

«Ол кезде мен үйде емес едім. Үйде қызым болған. Оны алдымен далаға шығарып алып, Закирова мені балағаттапты. Қызым оны тоқтатпақ болғанда басынан ұялы телефонмен ұрып, жерге құлатып, басын мұзға бірнеше рет соққан. Қызым есін жоғалтып алды. Полиция келгенде ол тіпті, өз қолымен арыз да жаза алмады. Ал, кешке жағдайы күрт нашарлап, жедел жәрдем шақыруға тура келді. Қазір ол ауруханада», - деп жазды Т.Шакирова өзінің Facebook-парақшасында.

Ол халықтың алдында белсенді боп жүрген осындай азаматтардың шын мәнінде адамдарға тек тигізуі мүмкін екенін де жазды.