Туыстары жүргізушіні соққыға жықты: Алматыда жасөспірімді көлік қағып өлтірді

Алматыда бағдаршам жанында көлік қағып кеткен жасөспірім алған жарақатынан оқиға орнында көз жұмды, деп хабарлайды Azattyq Ruhy.

16 жасар жасөспірім бағдаршамның жасыл түсімен жолды кесіп өтпек болғанда, көлік жүргізушісі бағдаршамның қызыл түсіне өтіп кетіп, баланы қағып өлтірген. Жәбірленуші алған жарақаттарынан оқиға орнында қайтыс болды, деп хабарлайды AstanaTV.

Оқиғаға куәгер болғані марқұм жасөспірімнің туыстары көлік жүргізушісін ұрып-соғып, көлігін талқандаған. Полиция қылмыстық іс қозғады.

«Жүргізуші уақытша ұстау изоляторына қамалды. ҚР Қылмыстық кодексінің 345-бабы 3-бөлігі бойынша сотқа дейінгі тергеу басталды», - деді Алматы полициясының баспасөз хатшысы Салтанат Әзірбек.