Астанада 6 көлікті бүлдірген жүргізуші іздестіріліп жатыр

Бүгін, 7 сәуір күні сағат 08:20 шамасында «Камаз» маркалы автокөлік жүргізушісі К.Циолковский көшесімен Абай даңғылына қарай жүріп, тұрақта тұрған 6 көлік құралының соғылуына жол берді, деп хабарлады Azattyq Ruhy.

Бірнеше метр жүргеннен кейін ол көліктен шығып, оқиға орнынан қашып кеткен. Апат салдарынан зардап шеккендер жоқ.

«Қазіргі уақытта жүргізушінің орналасқан жерін анықтау бойынша іздестіру іс-шаралары жүргізілуде, олардың нәтижелері бойынша қолданыстағы заңнамаға сәйкес шешім қабылданатын болады», - деп хабарлады Полиция департаментінің баспасөз қызметі.