Ақтөбеде полиция бөлімі басшысына қатысты тергеу басталды
Ол сыбайлас жемқорлық бойынша құқықбұзушылық жасады деген күдікке ілінді
Ақтөбеде полиция бөлімі басшысына қатысты тергеу жұмыстары басталды, деп хабарлайды Azattyq Ruhy.
«Ақтөбе облысы ПД-нің Өзіндік қауіпсіздік басқармасының қызметкерлері сыбайлас жемқорлыққа қатысты құқықбұзушылық жасады деген күдік бойынша Ақтөбе қаласы № 3 полиция бөлімі басшыларының біріне қатысты қылмыстық істі сотқа дейінгі тергеп-тексеруді бастады», - делінген ІІМ баспасөз қызметінің хабарламасында.
ҚР ҚПК-нің 201-бабына сәйкес қылмыстық істі тергеу шеңберіндегі өзге де ақпарат жария етілуге жатпайды.
«Полиция қызметкерлері тарапынан құқықбұзушылықтар туралы ақпаратты сенім телефоны арқылы хабарлауға болады: 8/7132/52-16-91. Анонимділікке кепілдік беріледі.», - делінген хабарламада.
