Оңтүстік Кореяда 7 жасар баланы қағып, Қазақстанға қашып кеткен павлодарлық тұрғын сәбидің ата-анасынан кешірім сұрады

Осы оқиғадан кейін Корей билігі еңбек мигранттарының елге кіріп-шығу тәртібін қатаңдатты

Отандасымыз Оңтүстік Кореяға өз еркімен барып, жәбірленген баланың ата-анасынан кешірім сұраған деп жазады M.yna.co.kr порталы.

Ер адам Инчхон әуежайына келіп қонған.

Еске салайық, 20 жастағы қазақстандық мигрант Оңтүстік Кореяда 7 жасар баланы көлікпен қағып, артынша Қазақстанға қашып кеткен еді. Сәби жансақтау бөлімінен бір-ақ шыққан: оның сүйектері 18 жерден сынып, басынан ауыр жарақат алыпты.

Балаға күрделі операция жасалды. Әкесінің айтуынша, сәби адамдармен сөйлесуден қорқып қалған.

Ал, Қазақстанға қашқан жігіттің Павлодар тұрғыны екені анықталды. Осы оқиғадан кейін Корей билігі еңбек мигранттарының елге кіріп-шығу тәртібін қатаңдатты.