Алматыда екі автобус соқтығысып, 6 адам зардап шекті

Алматыда екі автобус соқтығысып, соның салдарынан 6 адам зардап шекті, деп хабарлайды Azattyq Ruhy.

Қалалық полиция департаментінің хабарлауынша, жол-көлік апаты 2 ақпанда таңғы сағат 08:30-да Әл-Фараби даңғылында, Жароков көшесінің батыс тұсында болған.   

«Болжам бойынша №31 бағыттағы Yutong автобусының жүргізушісі Әл-Фараби даңғылымен батыс бағытта келе жатып, арақашықтықты сақтамау салдарынан аялдамада тұрған №116 бағыттағы SAZ маркалы автобуспен соқтығысқан.

Алдын ала мәлімет бойынша, алты адам зардап шекті», - делінген хабарламада.

Аталған деректі Бостандық аудандық полиция бөлімінің қызметкерлері өндіріске қабылдады.