Тараздағы базарда ірі өрт болды

Жамбыл облысы ТЖД Өртке қарсы бөлімшелеріне «Ақсай» базарындағы жеке тұрған екі қабатты ғимаратта шатырдың жанып жатқаны туралы хабарлама келіп түсті, деп хабарлайды Azattyq Ruhy.

Жамбыл облысы құтқарушыларының күшімен ғимараттың бірінші қабатынан 4 адам құтқарылды (зардап шеккендердің жағдайы анықталуда).

Алдын ала ақпарат бойынша өрттің ауданы шамамен 1500 шаршы метрді құрайды. Ғимаратта сауда бутиктері, киім-кешек, ойыншықтар, екінші қабатта маталар мен перделерді сату бөлімдері орналасқан.

Өрт орнында Жамбыл облысы ТЖД 50-ден астам өрт сөндіруші мен 16 техника жұмылдырылды.