Шымкентте «ESTATE Ломбард» директоры қамауға алынды

Ендігі ретте «Гарант 24» директорын қолға түсіру үшін қажетті шаралар жүргізіліп жатыр

Шымкент қаласында салымшылары алданып қалған «ESTATE Ломбард» ЖШС директоры ұсталды. Бұл туралы Шымкент қалалық полиция департаментінің баспасөз қызметі хабарлады.

Департаменттің мәліметінше, қаржы ұйымына алданған салымшылар полицияға жаппай арыз түсірген. Қазіргі таңда «ESTATE Ломбард» пен «Гарант 24» ЖШС-теріне қатысты сотқа дейінгі тергеу амалдары басталды.

«ESTATE Ломбард» ЖШС мен «Гарант 24» ЖШС-не қатысты Қылмыстық кодекстің 217-бабы 3- бөлігімен іс қозғалған. Жедел іздестіру шаралары барысында ломбард директоры ұсталған. Қазіргі таңда «Гарант 24» ЖШС директорын ұстауға қатысты қажетті шаралар жүргізілуде», - делінген хабарламада.

Мақалада

#Шымкент #Гарант-24 Ломбард #ESTATE Ломбард

Алдыңғы жаңалық

СҚО-да нәрестенің өлі денесі табылды, күдікті – туған анасы