Рудныйда құбыр жарылып, көпқабатты үйлер жылусыз қалды

Қостанай облысының Рудный қаласында құбыр жарылып, 24 көпқабатты және 59 жер үйдің тұрғындары жылусыз қалды, деп хабарлады Azattyq Ruhy.

Қостанай облысы әкімдігінің баспасөз қызметі хабарлағандай төтенше жағдай бүгін сағат 10:30-да болған.

«Горняков көшесі бойында жылу құбырының диаметрі 530 мм болатын бөлігі жарылды. Соның салдарынан 24 көпқабатты тұрғын үй, 59 жеке үй, 16 заңды тұлға жылудан ажыратылды. Құбырдың жарылған учаскесін анықтау керек», - делінген хабарламада.

Қазіргі кезде оқиға орнында «Рудный жылу желілерінің» апаттық бригадасы жұмыс істеп жатыр.

Әкімдік өкілдері қысқа уақытта жылу беру толық қалпына келтірілетінін хабарлады.