«Адам шығыны жоқ». Өскемен маңында ұшақ апаты болды

Азаматтық авиация комитеті Өскемен әуежайы маңында «Орлан 2000» әуе компаниясына тиесілі Ан-2 ұшағы апатқа ұшырағанын хабарлады. 

«Орлан 2000» әуе компаниясына тиесілі Ан-2 ұшағы Өскемен-Ақсуат бағытында санитарлық тапсырмамен шыққан. Сағат 12.50-де экипаж ұшақ қозғалтқышына қатысты төтенше жағдай болғанын хабарлады. Әуе кемесінің командирі Өскемен әуежайынан 1,5 шақырым жердегі ауданға мәжбүрлі түрде қону туралы шешім қабылдаған. Ұшақ бортында 5 адам болған, оның үшеуі экипаж мүшесі, екеуі қызмет бабындағы жолаушылар. Адам шығыны жоқ. Индустрия және инфрақұрылымдық даму министрлігінің авиациялық оқиғаларды тергеу басқармасы тергеуді бастады», - делінген хабарламада.