Қарағанды облысында қар құрсауында қалған 20 адам құтқарылды

Қарағанды облысында 20 адам қар құрсауынан құтқарылды, деп хабарлайды Azattyq Ruhy.  

Қарағанды облысы ТЖД баспасөз қызметі таратқан хабарламаға сәйкес, 12 қаңтарда Осакаров ауданында Қызылорда – Павлодар автожолының жабық учаскесінде ТЖД мен жергілікті атқарушы органдардың бірлескен күштерімен 5 техникалық ақаулы жеңіл автокөліктен 20 адам эвакуацияланды, оның ішінде 1 бала бар.

Құтқарылғандар Родниковское ауылына жеткізілді, медициналық көмек қажет болған жоқ.

Қарағанды облысының аумағында дауылды ескерту жарияланған:

• елді мекендерден тыс жерлерге шықпауға;
• жабылу орындарында автожолдарда көлік құралдарының кептелісін жасамауға;
• мүмкіндігінше елді мекендерде, кемпингтерде, жол бойындағы кафелерде болуға кеңес береміз.

Ауа райының өзгеруі және автожолдардың жай-күйі туралы жедел ақпарат «Дәрмен» мобильді қосымшасында, ТЖД-ның әлеуметтік желілеріндегі ресми парақшаларында қолжетімді.