Ақтөбеде көпқабатты үй жанынан қорапқа салынған нәрестенің мәйіті табылды

Полиция қызметкерлері жаңа туған ұл баланың денесін тауып алды

Фото: ашық дереккөзден

Ақтөбеде көпқабатты үй жанынан қорапқа салынған нәрестенің мәйіті табылды, деп хабарлайды Azattyq Ruhy.

Облыстық полиция департаментінің хабарлауынша, оқиға 19 желтоқсан күні болған.

«Сағат 22.05-те полицияға Жұбанова көшесіндегі көпқабатты үйдің жанынан қағаз қорапта баланың мәйіті жатқаны туралы хабарланды. Аталған дерек бойынша оқиға орнына жедел-тергеу тобы жіберілді, олар жаңа туған ұл баланың мәйітін тапты», - делінген полиция хабарламасында.

Аталған факт бойынша ҚР Қылмыстық кодексінің «Анасының жаңа туған нәрестесін өлтіруі» бабы бойынша сотқа дейінгі тергеу басталды. Сот-медициналық сараптама тағайындалды.

Қазіргі кезде полицейлер шақалақтың анасын іздеп жатыр.

Мақалада

#Ақтөбе #қылмыстық іс #нәресте

Алдыңғы жаңалық

Михаил Козачковқа қатысты бұлтартпау шарасы жабық сот отырысында қаралады