Қостанайда кәріз құбыры жарылды

Жергілікті әкімдіктің сөзінше, бұл апат қаланың тіршілігін қамтамасыз етуге кері әсер етпейді.

Бүгін таңғы сағат 06:45-те Қостанай қаласындағы Маяковский көшесінде кәріз құбыры жарылды. Бұл ақпарды "Қостанай-Су" мекемесі растады деп хабарлайды Azattyq Ruhy.

«Бүгін таңертең сағат 06:45-те "Қостанай-Су"мекемесіне өтінім келіп түсті. Сағат 07:20-да қызметкерлеріміз жер астындағы коллектордың ақауын анықтады. Салдарынан көшенің кәріз жүйесіндегі су жол бойына төгілді. Қазіргі уақытта «Қостанай Су» мамандары кәріз желісінің апат болған учаскесін жауып тастады. Дәл қазір су төгіліп жатқан жоқ. Кәріздің төгілуі тоқтады. Суды сору жұмыстары жалғасып жатыр»,-делінген "Қостанай-Су" МКК таратқан хабарламасында.

Ал жергілікті әкімдіктің сөзінше, бұл апат қаланың тіршілігін қамтамасыз етуге кері әсер етпейді.