Алматы-2 вокзалының ғимаратынан өрт шықты

Azattyq Rýhy

Қалалық ТЖД өрттен ешкімнің зардап шекпегенін айтты

Алматы-2 вокзалының ғимаратынан өрт шықты

Бүгін Алматы-2 вокзалының ғимаратынан өрт шықты, деп хабарлайды Azattyq Ruhy.

ҚР Төтенше жағдайлар министрлігінің мәліметінше, сағат 14:08-де Алматы қаласы Жетісу ауданы Абылайхан даңғылы, 1 мекенжайында орналасқан Алматы-2 вокзалының ғимараты, атап айтқанда вокзал ғимаратының төбесі өртеніп жатқаны туралы хабар түскен.

«Оқиға орнында төтенше жағдайлар департаментінің қызметкерлері - жеке құрамнан 43 адам және 14 техника жұмыс істеп жатыр. 100 шаршы метр аумақта вокзалдың бас ғимараты шатырының ағашы өртенді. Адамдар ғимараттан өз бетінше шығып кетті, ешкім зардап шеккен жоқ», - делінген ТЖД хабарламасында.

Өрт сағат 14:30-да өрт оқшауланып, сағат 14:50-де өрт толық сөндірілді.

«Вокзал штаттық режимде жұмыс істеп тұр. Пойыздардың кешігуі болған жоқ», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.