Қызылорда облысында жол апатынан бір адам қаза тауып, 8 адам зардап шекті

Қызылорда облысында жол-көлік апаты салдарынан бір адам қаза тапты, деп хабарлайды Azattyq Ruhy.

Облыстық полиция департаментінің хабарлауынша, қайғылы оқиға 31 қазанда Қызылорда облысы Талдыарал ауылының тұсында, Шымкент – Самара тас жолының 471-шақырымында болған.

«Екі жеңіл автокөліктің соқтығысуы салдарынан бір адам қаза тапты. Сондай-ақ сегіз адам түрлі жарақатпен ауруханаға жеткізілді», - делінген ПД хабарламасында.

Қазіргі кезде жол-көлік оқиғасы бойынша ҚР Қылмыстық кодексінің 345-бабының 3 -бөлігімен (Автомобильдi басқаратын адамның жол жүрісі қағидаларын бұзып, абайсызда адамның өлiмiне әкеп соғу) сотқа дейінгі тергеп-тексеру әрекеттері жүргізілуде.

Тиісті сараптамалар тағайындалып, оқиғаның мән-жайы анықталып жатыр.