Жетісу облысында жол апатынан бір адам қаза тауып, екі адам жарақат алды

Жетісу облысында болған жол апатынан бір адам қаза тауып, екеуі жарақат алды, деп хабарлайды Azattyq Ruhy.

Облыстық полиция департаментінің мәліметінше, қайғылы оқиға 31 қазанға қараған түні Тельман-Кәлпе тасжолының 8-шақырымында, Кәлпе ауылының маңында болған.

«Mazda Cronos көлігін тізгіндеген 31 жастағы жүргізушісі рөлге ие бола алмай қалған. Соның салдарынан көлік аударылып, жүргізуші оқиға орнында көз жұмды. Сондай-ақ жол апатынан екі жолаушы зардап шекті, олар түрлі дене жарақатымен Үштөбе қаласының ауруханасына жатқызылды», - делінген хабарламада.

Қазіргі кезде аталған дерекке қатысты тергеу амалдары жүргізіліп жатыр.