Ақтөбеде автобус аударылып, 26 адам зардап шекті

Бүгін таңертең Ақтөбеде автобус пен жеңіл автокөлік соқтығысып, 26 адам зардап шекті, деп хабарлайды Azattyq Rýhy тілшісі polisia.kz-ке сілтеме жасап.

Ғ.Жұбанов пен Ө.Сейітов көшелерінің қиылысында такси қызметіне тиесілі «Volkswagen Polo» көлігі мен №37 автобус соқтығысып, жол-көлік апатынан автобус аударылып қалған. 

Фото: polisia.kz

Автобустың 26 жолаушысы (19 әйел мен 7 ер адам) жедел жәрдем ауруханаларына жеткізілді. Ақтөбе облыстық полиция департаменті жол-көлік оқиғасына байланысты тергеуді бастады. Департамент өкілдері жүргізушілерді көктайғақ кезінде жолда аса сақ болуға шақырады.