Ақтөбе облысында автобус аударылып, 9 адам зардап шекті

Ақтөбе облысында күзетшілер автобусы аударылып, 9 адам түрлі жарақатпен ауруханаға жеткізілді, деп хабарлайды Azattyq Ruhy.

Облыстық полиция департаменті хабарлағандай, Ақжар ауылының маңында, Самара – Шымкент автожолында болған.

«Автобус жүргізушісі рөлге ие бола алмай, көлік жолдың сол жақ қапталына аударылып кеткен. Автобуста 52 жолаушы болған, олардың бәрі ауысымға бара жатқан күзет агенттігінің қызметкерлері екені анықталды. Апат салдарынан түрлі дене жарақатын алған 9 жолаушы Хромтау қаласының орталық ауруханасына жеткізілді», - делінген хабарламада.

Полиция өкілдері жүргізушілерді жол қозғалысы ережелерін мүлтіксіз сақтауға шақырады.