Астанадағы көп қабатты тұрғын үй кешенінен өрт шықты

Астананың сол жағалауындағы «7 бочек» тұрғын үй кешенінен өрт шықты, деп хабарлады Azattyq Ruhy.

Қалалық Төтенше жағдайлар департаменті бұл ақпаратты растады.

«Бүгін сағат 13:34-те Сығанақ көшесі, 20 мекенжайындағы үйде өрт шыққаны туралы хабар келіп түсті. Өрт сөндірушілер келгенде 16-қабаттың сыртқы бөлігі өртеніп жатқаны анықталды. Сағат 14:08-де өрт толық сөндірілді. Тілсіз жауды сөндіруге 25 адам және 5 техника жұмылдырылды», - деп хабарлады Төтенше жағдайлар департаментінің баспасөз қызметі.