Ресейдің Иркутск облысында резервист әскери бөлімше бастығын атып тастады

Иркутс облысының Усть-Илимскі қаласында 25 жастағы ер азамат әскери комиссариатта оқ жаудырған. Салдарынан шақыру комиссиясының бастығы жарақат алып, өте ауыр жағдайда жан сақтау бөліміне жеткізілді, деп хабарлайды Azattyq Ruhy "Инцидент Усть-Илимск" телеграм-каналына cілтеме жасап.

Оқ атқан 25 жастағы Руслан Зинин есімді жергілікті тұрғын екені анықталды.

Иркутск облыстық полициясының баспасөз қызметі бұл оқиғаға қатысты әлі түсініктеме берген жоқ.