Павлодар облысында жол апаты болып, 9 жасар қыз зардап шекті
Аталған фактіге қатысты терксеріс жүргізіліп жатыр
Павлодар облысында жол апаты болып, 9 жасар қыз зардап шекті, деп хабарлайды Azattyq Ruhy тілшісі Pavlodarnews.kz-ке сілтеме жасап.
Облыстық полиция департаменті баспасөз қызметінің мәліметінше, жол апаты 25 тамызда сағат 14:48-де Омбы – Майқапшағай – Тереңкөл – Михайловка тас жолдарының қиылысында болған.
«ВАЗ-2110» көлігінің 32 жастағы жүргізушісі жол бермей, 25 жастағы жүргізуші тізгіндеген «Mitsubishi Pajero» көлігімен соқтығысқан. Салдарынан екінші көліктегі 9 жасар жолаушы дене жарақатымен ауруханаға жатқызылды, - деді Павлодар облыстық полиция департаменті патрульдік полиция ротасының командирі Азамат Қалиакбаров.
Аталған фактіге қатысты терксеріс жүргізіліп жатыр. Көліктер мамандандырылған айып тұрағына орналастырылды.
