Юрий Шатуновтың өліміне қатысты қылмыстық іс қозғалды

Azattyq Rýhy

Болжам бойынша жедел-жәрдем әншіге дер кезінде көмек көрсетпеген

Юрий Шатуновтың өліміне қатысты қылмыстық іс қозғалды
Фото: ашық дереккөзден

«Ласковый Май» тобының бұрынғы солисі Юрий Шатуновтың өліміне қатысты қылмыстық іс қозғалды, деп хабарлады Azattyq Rýhy тілшісі Elorda.info сайтына сілтеме жасап.

Болжам бойынша жедел-жәрдем әншіге дер кезінде көмек көрсетпеген. Алайда қылмыстық іс қандай бап бойынша қозғалғаны белгісіз.

«Юраның жағдайы үстелде отырғанда нашарлап кетті. Кенеттен кеудесін ұстап, тыныс алуы қиындады. Біз жедел жәрдем шақырған едік, бірақ диспетчер науқасты «өздерің алып келіңдер, әйтпесе, көп күтіп қаласыңдар» деп жауап берді. Жақын маңдағы жедел жәрдем бөліміне апарған едік, ол жақтағылар науқастың жағдайы ауыр деп ауруханаға жіберді. Сондағы берген көліктері  – ескірген, еш жабдығы жоқ. Газель автокөлігі. Юра ауруханаға жетпей көз жұмды. Ауруханада дәрігерлер оған көмектеспек болды, алайда қолдарынан ешнәрсе келмеді. Себебі ол кезде Юра қайтыс болған еді. Меніңше, ауруханаға жеткізгенше кеш болып кетті, қазір дәрігерлердің үстінен қылмыстық іс қозғалды», – дейді марқұмның көмекшісі KP.RU басылымына берген сұхбатында.

×
Бұл желілік ресурстың ақпараттық өнімдері 18 жастан асқан адамдарға арналған.