Батыс Қазақстан облысында ер адам суға батып кетті

Батыс Қазақстан облысында кеше түнде суға батып кеткен ер адамның денесі бүгін таңертең табылды, деп хабарлайды Azattyq Rýhy.

БҚО Төтенше жағдайлар департаментінің мәліметінше, қайғылы оқиға 22 маусымда Бөрлі ауданына қарасты Ақсай қаласында болған.

«22 маусымда 40 жастағы ер адамның суға батып кеткені туралы ақпарат келіп түсті. Құтқарушылар іздеуді сағат 22:35-те бастады, бірақ 23:48-де іздеуді тоқтатуға тура келді», - делінген ТЖД хабарламасында.

23 маусым күні таңертең Төтенше жағдайлар департаменті іздеу жұмыстарын қайта бастап, сағат 7:55-те ер адамның денесін тапқан.