Астананың орталығында қарасора өсірген екі ер адам ұсталды

Azattyq Rýhy

Аталған факті бойынша сотқа дейінгі тергеу басталды

Астананың орталығында қарасора өсірген екі ер адам ұсталды

20 маусым күні жедел-іздестіру іс-шараларын жүргізу барысында елордалық полиция қызметкерлері Нұр-Сұлтан қаласы бойынша ҰҚКД-мен бірлесіп, жертөле қабатындағы жалға алынған үй-жайда құрамында есірткі заттары бар, өсіруге тыйым салынған өсімдіктерді заңсыз өсірген екі ер адамды ұстады, деп хабарлайды Polisia.kz. 

Жігіттер дайындалған бірінші партиядан егін жинап үлгерген. 

Тінту іс-шаралары барысында қарасора өсіруге арналған арнайы жабдықтар алынды: шамдар, желдеткіштер, контейнерлер. Сонымен қатар тыйым салынған өсімдіктерді өсіруге арналған препараттар мен тыңайтқыштар, буып-түю материалдары, электронды таразылар тәркіленді. 

Күдіктілер қылмыстық ниетті іске асыру мақсатында жылу режимі мен ылғалдықты сақтай отырып, желдеткіштерді, шамдарды, тамшылатып суару жүйесін орнату арқылы есірткі өсімдіктерін өсіруге жағдай жасаған. 

Аталған факті бойынша ҚР ҚК-нің 300-бабы “Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру” бойынша сотқа дейінгі тергеу жүргізілуде. Сараптама тағайындалды. Күдіктілер Нұр-Сұлтан қаласы ПД УҰИ-ға қамалды.

×
Бұл желілік ресурстың ақпараттық өнімдері 18 жастан асқан адамдарға арналған.