Екібастұзда жаяу жүргіншілерді көлік қағып кетті, біреуі қаза тапты

Azattyq Rýhy

Тағы бір адам ауруханада жатыр

Екібастұзда жаяу жүргіншілерді көлік қағып кетті, біреуі қаза тапты
Фото: ашық дереккөзден

Екібастұзда жеңіл көлік жаяу жүргіншілерді қағып, біреуі қаза тапты, деп хабарлайды Azattyq Ruhy. 

Облыстық полиция департаментінің мәлімдеуінше, 14 маусым күні сағат 22:55-те Екібастұз қаласында Мәшһүр Жүсіп көшесіндегі үйге қарама-қарсы жерде 30 жастағы Volkswagen Passat жүргізушісі негізгі жолға шығып бара жатып жол бермей, Toyota Crown көлігімен соқтығысқан.

Соққыдан Toyota тротуарға шығып кетіп, екі жаяу жүргіншіні қағып кеткен.

"Жол-көлік оқиғасы салдарынан 54 жастағы әйел жедел жәрдем көлігінде көз жұмды. 34 жастағы жаяу жүргінші дене жарақатымен ауруханаға жеткізілді. Тергеу жүргізіліп жатыр", - деді департаментте. 

Көліктер мамандандырылған айып тұрағына орналастырылды.
 

×
Бұл желілік ресурстың ақпараттық өнімдері 18 жастан асқан адамдарға арналған.