Маңғыстау облысында 1 курс студенті суға батып кетті

Студенттердің TikTok-қа видео түсіру жоспары қайғылы жағдайға әкеп соқты

Фото: Lada.kz

Маңғыстау өнер колледжінің 1-курс студенті суға кетті, деп хабарлайды Azattyq Ruhy БҚО Төтенше жағдайлар департаментіне сілтеме жасап.

Оқиға бүгін Ақтау қаласында Самал - 2 шағынауданында теңіз жағалауында болған. Сағат 16-20 шамасында Төтенше жағдай қызметіне бір адамның суға батып бара жатқаны туралы хабарлама келіп түскен.

«Маңғыстау облысы Бейнеу ауданына қарасты Барымқұл ауылының тұрғыны, Маңғыстау өнер колледжінің 1 курс студенті суға батып кетті. Қазіргі уақытта марқұмның денесін іздеу жұмыстары жүріп жатыр», -деді Ақтау қаласы Төтенше жағдайлар басқармасы азаматтық қорғаныс тобының офицері, аға лейтенант Азамат Төлегенов.

Мақалада

#төтенше жағдай #суға бату

Алдыңғы жаңалық

БҚО-да бұралқы иттердің малға шабуылы азаяр емес