Ақтөбеде бірнеше оқу орнына «бомба» қойылғаны хабарланды
Полицейлер жалған хабарлама авторын анықтау жұмыстарын жүргізіп жатыр
Ақтөбе облыстық полиция департаментінің электрондық поштасына оқу орындардың ғимараттарына бомба қойылғаны туралы хабарлама келіп түскен, деп хабарлайды Azattyq Rýhy.
Облыстық ПД мәліметінше, барлық шұғыл қызметтер мен саперлер тобы дереу оқиға орнына шығып, ғимараттарда жарылғыш құрылғылардың бар-жоғын тексеруге кіріскен.
«М. Оспанов атындағы Батыс Қазақстан медицина университеті, Қ. Жұбанов атындағы АӨМ университеті, ЭжСУ және М. Бөкенбаев атындағы Ақтөбе заң институтының студенттері, оқытушылары және жұмысшылар шығарылды. Жарылғыш құрылғылар табылған жоқ», - делінген ПД хабарламасында.
Полиция департаменті анонимді хабарламалардың авторын анықтауға және ұстауға бағытталған жедел іс-шаралар жүргізіп жатыр.
Аталған дерек бойынша ҚР ҚК-нің 273-бабы «Терроризм актісі туралы көрінеу жалған хабарлау» бойынша сотқа дейінгі тергеу басталды.
Осы баптың санкциясы бес жылға дейінгі мерзімге бас бостандығынан айыру түріндегі жазаны көздейді.
