Ақтауда әскери бөлімнен қашып кеткен сарбаз қандай жазаға тартылады
Қазіргі уақытта Бағлан Әділбеков әскери бөлімде күнделікті жұмыс тәртібіне сай борышын атқарып жүр
Ақтауда әскери бөлімнен қашып кеткен сарбаздың әрекетіне қатысты бөлім басшылары түсініктеме беріп, жас жігітті қандай жаза күтіп тұрғанын айтты, деп хабарлайды Azattyq Rýhy тілшісі Lada.kz-е сілтеме жасап.
ҚР Ұлттық ұланы «Батыс» өңірлік қолбасшылығына қарасты 6656 әскери бөлімінің командирі Марат Рахпановтың айтуынша, қазіргі уақытта қатардағы сарбаз Бағлан Әділбеков әскери бөлімде күнделікті жұмыс тәртібіне сай жұмыс істеп жүр.
«Қатардағы сарбаз жарғыдан тыс, жеке тұлғалар қандай да бір түсініспеушілік деректерін жоққа шығарады. Оның бөлімше басшылығына қояр еш кінәсі жоқ. Ол ата-анасымен кездесті, олардың да еш шағымы жоқ», - деді әскери бөлім командирі.
Ол қызметтік тексеру тағайындалғанын атап өтті. Іс-әрекеттің мән-жайы мен себептері нақтыланып жатыр.
«Бұл жерде қылмыстық әрекет жоқ. Ол не әкімшілік, не тәртіптік жазаға тартылады. Қалай болғанда да, ол әрекеті үшін бірқатар лауазымды тұлға жауапкершілікке тартылады», - деп сендірді Марат Рахпанов.
Оқи отырыңыз: Әскерде көз жұмған сарбаздың ата-анасы сараптама қорытындысын ала алмай жүр
Бөлімше командирі сарбаздың осы жылдың маусым айында уақытылы запасқа шығарылатынын айтты.
Еске салайық, сенбіден жексенбіге қараған түні Әділбеков Ақтау қаласында қоғамдық тәртіп пен қауіпсіздікті қорғау мақсатында әскери борышын өтеп жүрген жерінен кетіп қалған. Ол қызметтік орнын рұқсатсыз тастап кеткен. ҚР Ұлттық ұланы «Батыс» өңірлік қолбасшылығына қарасты 6656 әскери бөлімінің командирі Марат Рахпанов қызметте жақсы жағынан ерекшеленгенін айтты. Екі күннен кейін ол полиция бекінісіне өзі келген.
