Нұр-Сұлтанда екі адамды пышақтаған күдікті ұсталды

Әлеуметтік желілерде елордада болған жаппай төбелестің видеосы тарап кетті, деп хабарлайды Рolisia.kz сайты.

23 қаңтар күні сағат 18:40 шамасында тәртіп сақшылары қаладағы тұрғын үйлердің бірінің ауласында жұрттың мазасын алып, шулаған бір топты адамды ұстады.  

Өзара дауласып, келісімге келе алмаған жігіттер бір-біріне жұдырық жұмсап, төбелеске кіріскен. Артынша төбелесіп жатқан бір адам қалтасынан пышақ шығарып, екі жігітке жарақат салған. Содан кейін ер адамдар екі көлікке отырып, оқиға орнынан қашып кеткен.

Полиция қызметкерлері бірнеше сағаттың ішінде қашып кеткен адамдарды ұстап, жеке тқлғаларын анықтады. Пышақ жарақатын салған ер адам уақытша ұстау изоляторына қамалды. Қазір аталмыш оқиғаға қатысты тергеу жұмыстары жүріп жатыр.