Қызылордада 3 адамды атып өлтіріп кеткен күдіктілер ұсталды

Azattyq Rýhy

Тағы төрт күдіктіге қатысты іздеу жарияланды

Қызылордада адам өліміне қатысы бар алты күдікті ұсталып, төртеуіне іздеу жарияланды, деп хабарлайды Polisia.kz.

7 мамырда Қызылорда қаласында орын алған атыс қаруынан үш азаматтың қайтыс болу дерегіне байланысты жүргізілген жедел-іздестіру іс-шараларының нәтижесінде, алты күдікті ұсталып, қамауға алынды. Төрт күдіктіге қатысты іздеу жарияланды.

«Оқиға болған жерді тексеру барысында және күдіктілердің тұрғылықты мекенжайларынан бес қару-жарақ, бірнеше оқ-дәрілер, есірткі және жеті автокөлік айғақ зат ретінде алынып, тиісті сараптамалары тағайындалды. Барлық қатысушының жеке басы анықталып, жәбірленуші тараптың қауіпсіздігі қамтамасыз етілді. Жоғарыда көрсетілген қылмыстық құқықбұзушылықтар негізінде сегіз қылмыстық іс, яғни адам өлтіру бойынша – 2, бұзақылық бойынша – 2, қарудың заңсыз айналымы бойынша 3 іс және есірткінің заңсыз айналымы бойынша бір іс тіркелді», – деді Қызылорда облысының Полиция департаменті бастығының орынбасары Байжан Байгелді.

Оқи отырыңыз: Қызылордада жастар арасында атыс болып, үш адам қаза тапты

Қазіргі таңда, қылмыстық істің мән-жайы жан-жақты, толық және объективті түрде тергеп-тексеру жұмыстары жүргізіліп жатыр.

×
Бұл желілік ресурстың ақпараттық өнімдері 18 жастан асқан адамдарға арналған.