Петропавлда жоғалып кеткен жасөспірім қыз іздестіріліп жатыр

Петропавлда із-түзсіз жоғалып кеткен 13 жастағы Ангелина Новицкаяға іздеу жарияланды, деп хабарлайды Azattyq Rýhy.

Волонтерлердің хабарлауынша, 2009 жылы туған Ангелина Новицкая 13 сәуірде кешкі сағат 18.00 шамасында Петропавлдағы Украин көшесі, 175 үйден шығып кеткен. Содан бері хабарсыз.

«Жасөспірімнің бойы – 159 см, дене бітімі орташа келген, қой көзді, шашы қара, қысқа. Сол күні үстінде ақшыл көк түсті жейде, кең сұр джинсы, қара бәтеңке болған. Қолында қандағы қант мөлшерін есептейтін Либре сенсоры болуы тиіс», - делінген облыстық ПД хабарламасында.

Жоғалған қызды көрген-білгендер болса 8 777 307 99 65, 8 926 626 64 33 немесе 102 нөміріне хабарласуын сұраймыз.