Атырауда үйінің шатырында сора өсірген күдікті анықталды

Azattyq Rýhy

49 жастағы күдіктіге қатысты тергеу басталды

Атырауда үйінің шатырында сора өсірген күдікті анықталды
Фото: ашық дереккөзден

Атырауда үйінің шатырында сора өсірген күдікті анқыталды, деп хабарлайды Polisia.kz

17 ​наурыз күні Атырау облысы Полиция департаментінің Есірткі қылмысына қарсы іс-қимыл басқармасы қызметкерлері тиым салынған есірткі өсімдігін сақтаумен айналысқан күдіктіні ұстады.

"49 жастағы азамат өзінің үйінің шатырында сора өсімдігін сақтаумен айналысқан. Сараптама қорытындысына сәйкес, алынған заттың салмағы 1 келі 100 грамды құрады", – деді Атырау облысы Полиция департаментінің бастығы​ Нұрхат Оразбаев. 

Қазіргі уақытта құрамында есірткісі бар өсімдіктерді сақтау деректері бойынша 49 жастағы күдіктіге қатысты ҚР Қылмыстық кодексінің 296-бабы 4-бөлігімен сотқа дейінгі тергеп-тексеру амалдары жүргізілуде. 

Өзге ақпарат Қылмыстық-процесстік кодекстің 201-бабына сәйкес жариялануға жатпайды.
 

×
Бұл желілік ресурстың ақпараттық өнімдері 18 жастан асқан адамдарға арналған.