Нұр-Сұлтанда жасөспірімді жезөкшелікке тартқан ер адам ұсталды

Azattyq Rýhy

Полицейлер жеңгетайлықпен айналысқандарды да қолға түсірді

Фото ашық дереккөзден

Елордада адам саудасына байланысты қылмыстардың алдын алуға, жолын кесуге, анықтауға және ашуға бағытталған «STOP трафик» жедел-алдын алу іс-шарасы өтті. Іс-шара басталғаннан бері полицейлер 31 адамды анықтап, мамандандырылған есепке қойды, деп хабарлайды Azattyq Rýhy.

ҚР ӘҚБтК-нің 450-бабы бойынша жеңгетайлықпен айналысу үшін үй-жайлар бергені үшін үш адам әкімшілік жауапкершілікке тартылды, ҚР ӘҚБтК-нің 449-бабы бойынша қоғамдық орындарда ерсі әрекет көрсеткені үшін 34 бұзушы тартылды.

«Жедел алдын алу іс-шарасы барысында полиция қызметкерлері үш ай бойы кәмелетке толмаған жасөспірімді жезөкшелікпен айналысуға тартқан 24 жастағы ер адамды ұстады. Аталған факті бойынша ҚР ҚК 134-бабы 1-бөлігі бойынша сотқа дейінгі тергеу амалдары жүргізілуде.

Сондай-ақ, Нұр-Сұлтан полицейлері 25 және 28 жастағы әйелдерді қолға түсірді, олар ақшалай сыйақы үшін массаж салондары түріндегі притондарда клиенттерге қыздардың интимдік қызмет көрсетуіне мүмкіндік жасаған.

Аталған факті бойынша ҚР ҚК 309-бабы 1-бөлігі бойынша сотқа дейінгі тергеу амалдары жүргізілуде», - делінген қалалық Полиция департаменті таратқан хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.