Шығыс Қазақстанда супермаркет өртенді

Azattyq Rýhy

Өрттің алдын ала шығу себебі – электр қондырғыларын орнатуда және пайдалануда өрт қауіпсіздігі ережелерін сақтамау

ШҚО-да супермаркетте болған өрт сөндірілді, деп хабарлайды Semeynews.kz.

ШҚО ТЖД баспасөз қызметінің хабарлауынша, облыс орталығында Красин көшесінде орналасқан супермаркетте өрт болды. Оқиға орнына құтқарушылар келгенде жеке тұрған 2 қабатты спуермаркет ғимаратының бірінші қабатындағы сөрелері, тоңазтқыш қондырғылары, тауарлар өртенген. Құтқарушылармен жедел түрде 10 шаршы метр алаңдағы тілсіз жау құрықталды.

Өрттің алдын ала шығу себебі – электр қондырғыларын орнатуда және оны пайдалануда өрт қауіпсіздігі ережелерін сақтамау.

Өртті сөндіруге жеке құрамнан 26 адам және 7 бірліктегі техника жұмылдырылды.
 

×
Бұл желілік ресурстың ақпараттық өнімдері 18 жастан асқан адамдарға арналған.