Әйелін айуандықпен өлтіріп, денесін суға ағызып жіберген ер адам сотталды

Azattyq Rýhy

Бұл іске сыбайласы ретінде тартылған Нұрлан Дархан үш жылға түрмеге жабылды

Жамбыл облысында бұрынғы әйелін өлтіріп, денесін суға ағызып жіберген еркекке қатысты сот үкімі шықты, деп хабарлайды Azattyq Rýhy агенттігі «КТК» телеарнасына сілтеме жасап.

Алты жыл отасқан жарын айуандықпен жазым қылған қылмыскер 18 жылға бас бостандығынан айырылды.

Берік Қалқанның кінәсі толық дәлелденгенімен, өзіне шаң жуытпады. Бұл іске осы 27 жастағы азаматтың сыбайласы ретінде тартылған Нұрлан Дархан есімді азамат үш жылға түрмеге жабылды, ол қылмысты жасырғаны үшін жауапқа тартылды. Екі сотталушы денесі судан табылған Гүлдана Санақбайдың жақындарына 10 миллион өтемақы беруі тиіс.

Осы жылдың басында 23 жастағы бір баласы бар келіншектің жоғалып кеткені айтылған. Туыстары бірден бұрынғы күйеу баладан күдіктеніп, полицейлерге шағым түсірген. Шу қаласының тұрғыны Гүлдана Санақбайдың денесі екі айдан соң Тас өткел су қоймасынан табылып, экс-күйеуі қамауға алынған еді.

Айта кетейік, судан жоғалған келіншектің мәйітін іздеуге көмектескен 50 жастағы тіс қаққан сүңгуірдің өзі суға батып, денесі бір айдан соң әзер табылған болатын.

«Сот шешімімен келісемін. Өйткені осы іс бойынша бұрынғы күйеу балам Қалқан Берікке 18 жыл жаза тағайындады», - деді Гүлдананың анасы Индира Тілеубаева.

 
×
Бұл желілік ресурстың ақпараттық өнімдері 18 жастан асқан адамдарға арналған.