Құлсарыда 7 баланың анасын аяусыз өлтіріп кетті

Azattyq Rýhy

1986 жылғы әйелдің артында кәмелеттік жасқа толмаған 7 баласы жетім қалды

 

Фото: ашық дереккөзден

Құлсары қаласында 7 баланың анасын аяусыз өлтіріп кетті, деп хабарлайды Azattyq Rýhy.

Көптеген пышақ жарақатын алған  35 жастағы тұрғынның денесі 26 қараша күні таңертең табылған.

1986 жылғы әйелдің артында кәмелеттік жасқа толмаған 7 баласы жетім қалды. Көпбалалы ана жедел жәрдем көлігі келгенше қайтыс болып кеткен. Күдікті ретінде Жылой ауданының 25 жастағы тұрғыны үсталған.

«26 қараша күні Құлсары қаласының 1986 жылы туған тұрғынының өліміне кінәлі 1996 жылғы күдікті анықталып, уақытша ұстау изоляторына қамауға алынды. Аталған фактіге қатысты ҚР Қылмыстық кодексінің 99-бабы 1 бөлігімен сотқа дейінгі тергеу амалдары жүргізілуде. Тергеу амалдары тікелей Департамент бастығы Қамза Үмбетқалиевтің бақылауында», - деді Атырау облысы ПД баспасөз қызметі.

×
Бұл желілік ресурстың ақпараттық өнімдері 18 жастан асқан адамдарға арналған.