Алматы метросында пранк жасағандар жауапқа тартылды

Алматы метросының жолаушыларына пранк жасаған үш жігіт жауапқа тартылды, деп хабарлайды Polisia.kz.

Метрополитендегі Полиция басқармасының мәліметінше, үш жас жігіт Алматы метросының жолаушыларына пранк жасаған. Олар музыкалық колонка арқылы әуеннің дауысын қатты қойғанмен жұрттың наразылығына назар аудармаған.

«Кейбір жолаушылар әуеннің кенеттен ойнағанын күтпегендіктен, қорыққан. Олардың бірі «Жібек жолы» бекетінде қызмет ететін полиция қызметкерлерінен көмек сұрады. Қоғамдық тәртіпті бұзғандар инспектордың заңды талаптарына қарсылық танытты. 19 және 22 жастағы А., К. және А. есімді азаматтардың әрекеттері ҚР ӘҚбК-нің 434-бабы (Ұсақ бұзақылық) бойынша квалификацияланған. Әкімшілік істің материалдары жинақталып, шешім қабылдау үшін сотқа жіберілді», – деді Метрополитендегі ПБ бастығының орынбасары Қайрат Жұрұнов.