Алматыда Mitsubishi жүргізушісі автотұрақ ақысын төлемеу үшін көлігіне жалған номер тағып жүрген

Алматыда жол талғамайтын көлік жүргізушісі тұрақ ақысын төлемеу үшін жалған мемлекеттік тіркеу нөмірімен жүрген, деп хабарлайды Polisia.kz.

Патрульдік полицейлер Mitsubishi Pajero көлігін Абылай хан мен Қазыбек би көшелерінің қиылысынан анықтады. Көлікке орнатылған түрлі мемлекеттік тіркеу нөмірлік белгілері тәртіп сақшыларының назарын аударды. Артынша көлік иесі анықталды. Ер адам өзін қорғап алу мақсатында тұрақ ақысын төлемеу үшін жалған нөмір орнатқанын айтты.

Бұл әрекеттер заңнамаға қайшы келеді және әкімшілік жауапкершілікке әкеп соғады. Құқық бұзушыға айыппұл салынды. Оның көлігі мамандандырылған айыппұл тұрағына қойылды.