Ақтөбе облысының тұрғыны 600 литр спиртті заңсыз сатпақ болған

Ақтөбе облысында алкоголь өнімдерін заңсыз сату дерегінің жолы кесілді, деп хабарлайды Azattyq Rýhy.   

Заңсыз айналымға түсетін алкоголь өнімдерінің негізгі бөлігі көбінесе антисанитариялық жағдайда, жерасты цехтарында немесе үйде жасалады.

Қаржылық мониторинг агенттігінің мәліметінше, Ақтөбе облысының тұрғыны өз үйінде алкоголь өнімдерін жасап, ыдыстарға құйып, кейіннен облыстың сауда нүктелеріне өткізген.

«Жүргізілген жедел-іздестіру шаралары барысында 600 литр спирт, жалған ЕБМ, заттаңбалар, құюға арналған ыдыстар, сондай-ақ 7 мыңға жуық бөтелке дайын алкоголь өнімі тәркіленді», - делінген агенттік таратқан хабарламада.

Аталған дерек бойынша сотқа дейінгі тергеп-тексеру жүргізілуде.