Алматыда құрылыс алаңында жұмысшы биіктен құлап қаза тапты

Алматыдағы құрылыс алаңдарының бірінде қайғылы оқиға болып, бір адам қаза тапты, деп хабарлайды Azattyq Rýhy.

Алматы қаласы Полиция департаментінің мәліметінше, қайғылы оқиға Самал-3 шағынауданындағы құрылыс алаңында болған.

«Белгілі болғанындай 25 жастағы құрылысшы биікте қауіпсіздік белдігінсіз жұмыс істеген. Жас жігіт жедел жәрдем бригадасы келгенше көз жұмды», - делінген қалалық ПД хабарламасында.

Қазіргі уақытта аталған факт бойынша арнайы сараптамалар тағайындалып, қажетті тергеу амалдары жүргізілуде.

«Сараптама қорытындысы бойынша оқиғаға құқықтық баға беріледі», - делінген хабарламада.