2019 жылы әлемде 86 әуе апаты болған

2019 жылы 86 әуе апатынан 257 адам қаза тапқан, деп хабарлайды Azattyq Rýhy тілшісі To70 компаниясының жыл сайынғы «Азаматтық авиация-2019» баяндамасына сілтеме жасап.

Баяндама авторларының айтуынша, бұл 2018 жылғы көрсеткіштен екі есеге төмендеген. 

2018 жылы 157 ұшақ апатқа ұшырап, 534 адам қаза болған. Осылайша, мамандардың айтуынша, 2019 жылы 5,5 миллион рейстің біреуі адам шығынын әкелген апатпен аяқталған. 

Естеріңізге сала кетсек, 2019 жылы 27 желтоқсанда Алматыда Bek Air ұшағы апатқа ұшырап, 12 адам қаза тапқан болатын.