Ақтөбеде жасөспірім қыз 20-қабаттан секіріп кетті

Ақтөбеде 2008 жылы туған қыз өз-өзіне қол жұмсады, деп хабарлайды Azattyq Rýhy Ақтөбе облыстық полиция департаментінің баспасөз қызметіне сілтеме жасап.

17 қазан күні сағат 18:45-те Ақтөбе қаласы полиция басқармасының жедел басқару орталығының «102» телефонына 11-шағын аудандағы № 112 үйінің кіреберіс терезесінен кәмелетке толмаған баланың құлап кеткені туралы хабарлама келіп түсті.

«Полиция жасағы 25 қабатты үйдің 20-қабатынан балконнан секіріп кеткен 2008 жылы туған, кәмелетке толмаған баланың мәйітін тапты. Кәмелетке толмаған бала алған жарақатынан жедел жәрдем бригадасы келгенге дейін қайтыс болды. Оқиғаның себебі анықталуда. ​ҚР Қылмыстық кодексінің 105-бабының 3-бөлігі «Өз-өзіне қол жұмсауға жеткізу» бойынша сотқа дейінгі тергеу жүргізілуде», - делінген хабарламада.

ҚР ҚК 105-бабының 3-бөлігі үш жылдан сегіз жылға дейінгі мерзімге бас бостандығынан айыруды көздейді.