Жамбыл облысында екі көлік бетпе-бет соғысты: бір адам қаза болды

«Тараз-Сарыкемер» тас жолында екі көлік бетпе-бет соғысып, бір адам мерт болды, деп хабарлайды Azattyq Rýhy.

2021 жылдың 15 қазанында таңғы сағат 07:20 шамасында, жергілікті маңызы бар «Тараз-Сарыкемер» автожолының 6 шақырымында Ауди-B4 маркалы автокөлігінің 27 жастағы жүргізушісі Сарыкемер ауылынан Тараз қаласына бара жатып, қарсы бағытқа шығып, «ВАЗ-2104» маркалы автокөлігімен соқтығысқан.

Жол-көлік оқиғасы салдарынан «ВАЗ-2104» автокөлігінің 21 жастағы жүргізушісі есін жимастан, апат орнында көз жұмды, ал алты адам түрлі жарақатпен Сарыкемер аудандық ауруханасына жатқызылды.

Қазір тергеу шаралары жүргізіліп, бірқатар тиісті сараптамалар тағайындалды.