$ 501.57  554.34  5.98
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
11.10.2021, 13:26
Оқиғалар

Қызылорда облысында мектеп жанында жарылыс болды

Оқиға мектептен ондаған метр жерде болды

Қызылорда облысында мектеп жанында жарылыс болды
Фото: Қызылорда облысы ТЖД

Қазалы ауданы Тасарық кентіндегі орта мектеп аумағында қазандық жарылды, деп хабарлайды өңірдің Төтенше жағдайлар департаментінің баспасөз қызметі.

«Бүгін сағат 08-ден 15 минут өткенде Қызылорда облысы Төтенше жағдайлар департаментінің Дағдарыс жағдайындағы басқару басқармасына Қазалы ауданы, Тасарық кенті, №238 орта мектеп аумағындағы жеке тұрған (мектептен қашықтығы 50 м) қатты отынмен жылыту қазандығының тұтанусыз жарылуы орын алып, 64 шаршы метр алаңда ғимараттың қабырғалары мен жабынының ішінара қиралғаны туралы ақпарат келіп түсті. Оқиға салдарынан қаза болғандар мен зардап шеккендер жоқ», - дейді Қызылорда облысы ТЖД бастығының орынбасары полковник Саид Молдақараев.

Оқу процесіне кедергі келген жоқ, ауа температурасы +9 болатын.

Қазандық үйінділерін жинау мектеп жұмысшыларының күшімен (15 адам және 2 бірлік техника) жүргізілуде. Оқиға орнына облыстық ТЖД (2 қызметкер және 1 бірлік техника) жетті.

Серіктес жаңалықтары