$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
30.09.2021, 12:13
Оқиғалар

Нұр-Сұлтанда ауа райының бұзылуына байланысты бір күнде 91 жол апаты болды

Полицейлер көлік жүргізушілерін мұқият әрі сақ болуға шақырды

Нұр-Сұлтанда ауа райының бұзылуына байланысты бір күнде 91 жол апаты болды
Фото: ашық дереккөзден

Елордада күн райының бұзылуына байланысты жол апаты да күрт артты, деп хабарлайды Azattyq Rýhy.

Полиция департаментінің хабарлауынша, өткен тәулікте Нұр-Сұлтанда 91 жол апаты тіркелді.

Тәртіп сақшылары көлік жүргізушілерін барынша мұқият әрі сақ болуға, жылдамдықты асырмай, көлік арасындағы арақашықтықты сақтауға шақырды.

«Жүргізушілер үшін ең қауіптісі – дымқыл асфальт. Жол тайғақ, сол сияқты түнгі қырау басу да қосылды. Бұл көліктің тежеу жолының ұлғаюына әсер етеді. Сондықтан маневр мен тежегішті кенеттен басудан аулақ болыңыз. Жаңбыр жауып тұрғанда көрініс нашарлайды. Сол сияқты жүргіншілер де келе жатқан көлікті уақытында байқай бермейді. Көлік жүргізушілері өте мұқият болуы қажет» - деп хабарлады департамент.

Полиция департаменті жаяу жүргіншілер жолының алдында қозғалыс жылдамдығын барынша азайтуды және өте мұқият болуды сұрайды.

Серіктес жаңалықтары