Кісі өлтіргені үшін 20 жыл бойы жасырынып жүрген ресейлік қылмыскер Павлодарда ұсталды
Жыл басынан бері облыста сот пен тергеуден жасырынып жүрген 74 қылмыскер ұсталды
Кісі өлтіргені үшін 20 жыл бойы жасырынып жүрген ресейлік қылмыскер Павлодарда ұсталды, деп хабарлайды Polisia.kz.
25 қыркүйектен 1 қазанға дейін Павлодар облысының аумағында елден тыс жерде жасырынып жүрген қылмыскерлерді іздестірудің тиімділігін арттыруға бағытталған «Іздестіру» жедел алдын алу іс-шарасы өткізіледі.
«Павлодар облысының жедел қызметкерлері ауыр қылмыс жасағаны үшін іздеуде жүрген 5 қылмыскерді ұстады. Бұрын хабар-ошарсыз кеткен екі адамның мекенжайы анықталды. Мысалы, Павлодар қаласында полиция қызметкерлері Ресей Федерациясының Пермь қаласында кісі өлтіргені үшін айыпталған 46 жастағы қашқын қылмыскерді ұстады. Анықталғандай, 2001 жылы ер адам қызды өлтіріп, қылмыс жасағаннан кейін Павлодар қаласына келген. Ер адам айлакер болып шықты, белгілі болғандай, ол фамилиясындағы бір әріпті әдейі өзгертті. Қазіргі уақытта ол қамауда отыр», – деді Павлодар облысы Полиция департаменті бастығының орынбасары Ельдар Әбдікенов.
Сонымен қатар, Қырғызстанда жазасын өтеуден 19 жыл жалтарған Қырғызстан Республикасының 52 жастағы азаматының тұратын жері анықталды. Оның ұсталғаны туралы іздестіру бастамашысына хабарланды.
Сондай-ақ, жедел-іздестіру іс-шараларын жүргізу және криминалдық полиция қызметкерлерінің өзара іс-қимылы барысында Қарағанды облысындағы әріптестерімен бірге Жезқазған қаласында Павлодарда тонауға күдікті 25 жастағы павлодарлық ұсталды. Ол Жезқазған қаласының УҰИ-не қамалды.
«Қылмыстық қылмыскерлерді іздеу – криминалдық полиция қызметкерлерінің маңызды міндеттерінің бірі. Заңды бұзған адамдар жазадан аулақ болу үшін қаша бастайды. Алайда, олар сот төрелігінен құтыла алмайды, ерте ме, кеш пе өз әрекеттері үшін жауап береді», – деп атап өтті Ельдар Әбдікенов.
Айта кетейік, жыл басынан бері Павлодар облысының полицейлері сот пен тергеуден жасырынып жүрген 74 қылмыскерді ұстады. Криминалдық полицияның сот төрелігі органдарынан жасырынған және хабар-ошарсыз кеткен адамдарды іздестіру жөніндегі жұмысы тұрақты негізде жүргізіледі.
