Ақтауда әйел адамды көлік қағып өлтірді

Ақтауда жаяу жүргіншіні көлік қағып кетті, деп хабарлайды Azattyq Rýhy.

Облыстық Полиция департаментінің мәліметінше, әйел жаяу жүргіншілерге тыйым салынған тұстан өтпек болған.

«Оқиға 10 қыркүйек күні сағат 21.30 шамасында 33-ші және «Толқын» шағынаудандары арасында болды. Әйел адам жаяу жүргіншілер өтуге болмайтын тұстан жолды кесіп өтпек болған», - делінген ПД хабарламасында. 

Келіншек алған жарақаты салдарынан оқиға орнында тіл тартпай кетті. 

Қазіргі уақытта тергеу жұмыстары жүргізіліп жатыр.